साडी सेंटरच्या आगीने घेतला पाच कामगारांचा बळी

पुणे (सह्याद्री बुलेटिन ) - साडी सेंटरला लागलेल्या भीषण आगीत पाच कामगारांचा बळी गेला आहे.
हि घटना पुण्यात देवाची ऊरळी येथील राजयोग साडी सेंटर या दुकानात घडली.

राकेश चौधरी (२४), राकेश मेघवाल (२०) धर्माराम बडियासर (२४), सूरज शर्मा (२५), गोपाल चांडक (२३) अशी मरण पावलेल्या कामगारांची नवे आहेत.

गुरुवारी पहाटे ४.३० च्या सुमारास या दुकानात भीषण आग भडकली या अग्निदुर्घटनेत पाच कामगारांचा मृत्यू झाला आहे. आग लागल्याची माहिती मिळताच अग्निशमन दलाच्या पाच गाड्या आणि दहा खाजगी टँकर घटनास्थळी दाखल झाले. दुकानात एकूण पाच कामगार होते. धुरामध्ये गुदमरुन व भाजल्यामुळे कामगारांचा मृत्यू झाला.या आगीमध्ये मोठया प्रमाणावर जिवीत व वित्तहानी झाली आहे. हे संपूर्ण साडी सेंटर जळून खाक झाले आहे.