वर्ल्डकपला आजपासून इंग्लंडमध्ये सुरुवात
इंग्लंड आणि दक्षिण आफ्रिकेच्या सामन्याने वर्ल्डकपला आजपासून इंग्लंडमध्ये सुरुवात होत आहे.
या वर्ल्डकपमध्ये १० संघांचा समावेश असणार आहे. यावेळी प्रथमच प्रत्येक संघ एकमेकांविरुद्ध सामने खेळणार आहे. पहिल्या ४ क्रमांकावरील संघ सेमीफायनल साठी पात्र ठरतील. त्यामुळे प्रत्येक संघाचा भरीव कामगिरी करून पहिल्या ४ संघात राहण्यावर भर असेल.
या स्पर्धेत इंग्लंड, भारत, ऑस्ट्रेलिया, दक्षिण आफ्रिका, वेस्ट इंडिज, पाकिस्तान, न्यूझीलंड, बांगलादेश, श्रीलंका आणि अफगाणिस्तान या संघांचा समावेश आहे.
भारतीय संघात कर्णधार विराट कोहली, रोहित शर्मा, महेंद्रसिंग धोनी, शिखर धवन, हार्दिक पंड्या, केदार जाधव, रवींद्र जडेजा आणि विजय शंकर हे अष्टपैलू खेळाडू आहेत. भुवनेश्वर कुमार, मोहम्मद शमी, जसप्रीत बुमराह हे वेगवान गोलंदाज तर यजुवेन्द्र चहल आणि कुलदीप यादव हे फिरकी गोलंदाज संघात आहेत. तसेच लोकेश राहुल हा राखीव फलंदाज तर दिनेश कार्तिक हा राखीव यष्टीरक्षक संघात आहे.