चर्मकार बांधवांसाठी भव्य सांस्कृतिक भवन उभारणार - महापौर जाधवांचे स्वाभिमानी चर्मकार महासंघाला आश्वासन..

संत तुकारामनगर येथील संत रोहिदास क्रिडा व सांस्कृतिक भवन येथे रविवारी 05 ऑगस्ट  रोजी स्वाभिमानी चर्मकार महासंघाची पिंपरी-चिंचवड शहरामधील ‘चर्मकार समाज जोडो अभियान’, शहर कार्यकारीणी निवड व पिंपरी-चिंचवड महानगरपालिकेचे महापौर राहुल जाधव यांचा जाहीर सत्कार समारंभ आयोजत करण्यात आले होते. सदर बैठकीस राष्ट्रीय महासचिव गोरख ननवरे, राष्ट्रीय उपाध्यक्ष सुरेश पोटे, प्रदेश कार्याध्यक्ष जयदेव इसवे, प्रदेश संघटक विकास तिखे, पुणे जिल्हा वधू - वर जिल्हाध्यक्ष रामचंद्र (आबा) गद्रे, पुणे जिल्हा संत रोहिदास प्रचारक संतोष तिखे, पुणे जिल्हा उपाध्यक्ष संजय लोकापुरे, दत्तात्रय भोसले (बारामती), पुणे शहराध्यक्ष विकास सोनवणे यांच्या मार्गदर्शनामध्ये संघटनेची पुढील दिशा व वाटचाल ठरविण्यात आली.यावेळी पिंपरी-चिंचवड शहर कार्यकारिणीची नियुक्ती करण्यात आली. संघटनेचे सचिवपदी चंद्रकांत सोनवणे, उपाध्यक्ष अनुराग शेरखाने, कार्याध्यक्ष राम सावळे, सहसंघटक रामभाऊ शेटफळ, खजिनदार दशरथ कांबळे, सहखजिनदार अभय वर्पे, संघटक शिवराज साळी, सल्लागार शिवाजी गायकवाड, काळुराम ढोबळे,  सदस्य धनंजय पोटे आदी पदाधिकारी यांच्या नियुक्त्या करण्यात आल्या.