पिंपरी-चिंचवडचे नगरसेवक आपले एक महिन्याचे मानधन केरळ पूरग्रस्तांना देणार...

(सह्याद्री बुलेटिन) पिंपरी-चिंचवड महापालिकेच्या सर्व १३३ नगरसेवकांनी पावसाने उद्ध्वस्त झालेल्या केरळला मदतीचा हात पुढे केला आहे.नगरसेवक आपले एक महिन्याचे मानधन केरळ पूरग्रस्तांना देणार आहेत.
सोमवारी महापालिकेची सभा झाली. या सभेत माजी पंतप्रधान भारतरत्न अटलबिहारी वाजपेयी यांच्यासह निधन पावलेल्या विविध क्षेत्रातील मान्यवरांना तसेच केरळमध्ये आलेल्या पुरात मृत्यूमुखी पडलेल्या नागरिकांनी श्रद्धांजली वाहण्यात आली. सर्वपक्षीय नगरसेवकांनी अतिवृष्टीमुळे उद्ध्वस्त झालेल्या केरळवासीयांच्या पाठीशी उभे राहण्याचा निर्धार व्यक्त केला.प्रत्येक नगरसेवकाला महिन्याला १५ हजार रुपये मानधन मिळते. त्यानुसार एकूण १९ लाख ९५ हजार रुपये केरळ पूरग्रस्तांना दिले जाणार आहे