महा मेट्रोचे महा घोटाळे, निकृष्ट दर्जाचे काम, भविष्यातील अपघातांचा रचला जातोय पाया.

पिंपरी ( सह्याद्री बुलेटिन ) - स्वारगेट ते पिंपरी या पुणे महामेट्रोच्या पहिल्या टप्याचे काम पिंपरीपर्यंत वेगात सुरु आहे. मोठ्या प्रमाणात पिलर उभारले आहेत. परंतु, दापोडीच्या पुढे मेट्रोचे काम ठप्प आहे. कासारवाडी येथील मेट्रोच्या पिलरचे काम अतिशय निकृष्ट दर्जाचे झाले आहे. पिलरच्या सळया बाहेर आल्या आहेत.
पिलरमध्ये सिमेंट अर्धवटपणे भरल्याचे दिसून येत आहे. त्यामुळे भविष्यात याचा मोठा धोका निर्माण होण्याची शक्यता आहे. त्यानंतर खडबडून जागे झालेल्या महामेट्रोने निकृष्ट कामास जबाबदार असल्याचा ठपका ठेवत दोन अभियंत्यांना तडकाफडकी निलंबित केले आहे. तसेच या पिलरची त्रयस्थ संस्थेमार्फत तपासणी केली जाणार आहे. पिलर निकृष्ट आढळल्यास त्याची दुरुस्ती केली जाणार आहे. योग्य असल्यासच तो पिलर वापरला जाईल, असे महा मेट्रोचे मुख्य प्रकल्प व्यवस्थापक गौतम बि-हाडे यांनी सांगितले.