१०० रुपयांमध्ये ४२ जीबी डेटा - जिओ ची ऑफर

मुंबई (सह्याद्री बुलेटिन) - जिओला बाजारात पदार्पण करुन २ वर्षे झाली. त्याच निमित्ताने कंपनीने आपल्या ग्राहकांसाठी एक ऑफर दिली आहे.
१०० रुपयांमध्ये कंपनी आपल्या ग्राहकांना ४२ जीबी डेटा देणार आहे. याबरोबरच ही ऑफर कंपनीच्या ३९९ रुपयांचा प्लॅनवरही लागू आहे. ३९९ रुपयांचा प्लॅन २९९ रुपयांमध्ये मिळणार असून त्याद्वारे १२६ जीबी डेटा मिळणार आहे. या प्लॅनची व्हॅलिडीटी ३ महिने असेल, तसेच यामध्ये मोफत अनलिमिटेड कॉलिंगही मिळेल. ग्राहकांना हा प्लॅन अॅक्टीव्हेट केल्यावर १०० रुपयांची कॅशबॅक ऑफर मिळणार असल्याने ३९९ रुपयांचा प्लॅन २९९ रुपयांना मिळणार आहे. यातील ५० रुपये लगेच कॅशबॅक मिळणार असून ५० रुपये Phonepe या मोबाईल वॉलेटमध्ये जमा होणार आहेत.यासाठी ग्राहकांना मायजिओ अॅपद्वारे रिचार्ज करावे लागणार असून Phonepe द्वारे त्याचे पेमेंट करावे लागणार आहे. ही ऑफर आजपासून म्हणजेच १२ सप्टेंबरपासून सुरु होत असून २१ सप्टेंबरपर्यंत असेल असे कंपनीकडून सांगण्यात आले आहे. या कालावधीत ग्राहकांना एकदाच या ऑफरचा लाभ घेता येणार आहे. दुसऱ्या वर्धापनदिनानिमित्त नुकतीच जिओने आणखी एक विशेष ऑफर आणली होती. ५ रुपयांच्या चॉकलेटसोबत १ जीबी डेटा देत जिओने ग्राहकांना खुश केले होते