सुनिता कुंभकर्ण यांची पनवेल ते कोल्हार सायकल सफर

कोल्हार ( सह्याद्री बुलेटिन ) साईप्रसाद कुंभकर्ण - इच्छाशक्ती आणि जिद्द असेल तर वय आड येत नाही आणि हेच दाखवून दिलय सुनिता कुंभकर्ण यांनी, वयाची पंचेचाळिशी ओलांडल्यानंतरही, वयाची कुठलीही तमा न बाळगता सुनिता कुंभकर्ण यांनी पनवेल ते कोल्हार हे जवळपास तीनशे किलोमीटरचं अंतर त्यांनी सायकलनं पार केल.व या प्रवासात त्यांनी पर्यावरण रक्षण, महिला सक्षमीकरणाबरोबरच जग वेगळ्या दृष्टीने पाहण्याचा संदेशही दिला
पर्यावरण संरक्षण, महिला सक्षमीकरण आणि निरोगी आरोग्य हा उद्देश डोळ्यासमोर ठेवून त्यांनी २०१४ पासून सायकलिंगला सुरूवात केली.
त्यांचा हा काही पहिलाच सायकल प्रवास नाही. याआधी गोवा ते कन्याकुमारी, मनाली ते कारगील अशी यशस्वी सायकल सफर हि त्यांनी केली आहे.
या प्रवासादरम्यान वाटेतल्या गावातल्या महिलांशी त्या संवाद साधायच्या त्यांची संस्कृती, प्रश्न समजून घ्यायचे, मिळेल ते खायचं आणि कुठेही राहायचं, असं करत करत त्यांचा प्रवास सुरू असतो.
स्मार्ट सिटीची स्वप्नं पाहताना खरा भारत वेगळाच आहे, तो पहायचा असेल तर खेड्याकडे यायला हवं आणि असा भारत तुम्हाला कारमधून दिसणार नाही तर त्यासाठी सायकल हे एकमेव सुयोग्य माध्यम आहे. त्यामुळे आपण खेड्यांशी तेथील संस्कृतीशी आणि माणसांशी जोडले जातो, असं सुनिता कुंभकर्ण याचं म्हणणं आहे. त्यामुळेच त्यांनी सायकलवरुन प्रवास सुरू केलाय.
पनवेल ते कोल्हार ही त्यांची सायकल टूर निश्चितच प्रेरणा देणारी आहे.