अमेरिकेत नोकरी मिळावी यासाठी देशाशी गद्दारी, ब्रह्मोस एरोस्पेस क्षेपणास्त्राची गोपनीय माहिती पाकिस्तानला पुरवली...

निशांत अग्रवाल असे याचे नाव असून तो ब्रह्मोस एरोस्पेसचा अभियंता आहे.
अमेरिकेतील नोकरीच्या आमिषाने याने क्षेपणास्त्राविषयीची गोपनीय माहिती पाकिस्तानच्या गुप्तचर यंत्रणेला पुरवल्याचे समोर आले आहे.याला दोन दिवसांपूर्वी नागपूरमधून अटक करण्यात आली.
निशांत अग्रवाल हा पाकिस्तानची गुप्तचर यंत्रणा आयएसआयच्या हनी ट्रॅपमध्ये अडकला होता. पाकिस्तानमधील आयएसआयच्या एजंट्सनी निशांतला अमेरिकेत भरघोस पगाराची नोकरी मिळवून देण्याचे आमिष दाखवले होते, अशी माहिती या प्रकरणाच्या तपास पथकातील सूत्रांनी दिली. त्याने पाकिस्तानच्या एजंट्सना ब्रह्मोस मिसाईलचे कोडिंग पाठवले होते, पाकिस्तानमधून मुलींच्या नावाने फेसबुकवर तीन अकाऊंट्स सुरु करण्यात आले होते. निशांत यातील दोन तरुणींच्या नियमित संपर्कात होता. निशांत त्या मुलींशी ऑनलाइन चॅटिंग करु लागला. त्याने डीआरडीओ आणि ब्रह्मोस विषयीची गोपनीय माहिती त्यांना दिली, असे सूत्रांनी सांगितले. सीमा सुरक्षा दलातील जवान मिश्रा याला महिन्याभरापूर्वी उत्तर प्रदेश दहशतवादविरोधी पथकाने (एटीएस) दिल्लीतून अटक केली. या तपासादरम्यान अग्रवालवर पोलिसांना संशय आला. ही बाब एटीएसने महाराष्ट्र एटीएसला कळविली. महाराष्ट्र एटीएसने एक आठवडा अग्रवालवर पाळत ठेवली. त्याची संपूर्ण माहिती मिळवून उत्तर प्रदेश एटीएसला दिली. त्यानंतर या दोन्ही पथकांनी संयुक्त कारवाईत अग्रवालला ताब्यात घेतले.