‘मी टू’ च्या भीतीने महिलांना नोकरी देण्याचे प्रमाण कमी होईल...?

एखादी महिला पाच वर्षानंतर तक्रार करेल या भीतीनेच महिलांना नोकरी देण्याचे प्रमाण कमी होईल, ‘मी टू’ मोहीम ही सुशिक्षित महिलांसाठी एक हत्यार ठरत आहे, असे सांगत शिवसेनेचे आमदार संजय शिरसाट यांनी ‘मी टू’ मोहीमेवर टीका केली.
औरंगाबादमध्ये डॉ. बाबासाहेब आंबेडकर संशोधन केंद्रात मंगळवारी राज्य महिला आयोग आणि समाजसेवी संघटनांच्या संयुक्त विद्यमाने महिलांविषयक कायदे यावर कार्यशाळेचे आयोजन करण्यात आले होते. या कार्यक्रमात शिवसेना आमदार संजय शिरसाट सहभागी झाले होते. ‘मी टू’ मोहीमेबाबत आमदार संजय शिरसाट म्हणाले, ‘मी टू’ चा अर्थ मला कळालेला नसून मलाच ‘मी टू’ची भीती वाटते. स्वतः ला सुशिक्षित म्हणवणाऱ्या महिलांसाठी ते एक हत्यार ठरु लागले आहे.