बाल चित्रपट महोत्सवाचे महापौर जाधव यांच्या हस्ते उद्घाटन...

पिंपरी-चिंचवड महापालिका व फोर्ब्स मार्शल प्रायव्हेट लिमिटेड कंपनी यांच्या संयुक्त विद्यामाने चिंचवडमधील कार्निवल सिनेमामध्ये शुक्रवार (दि. २३) ते रविवार (दि. २५) या दरम्यान आयोजित बाल चित्रपट महोत्सवाचे उद्घाटन महापौर जाधव यांच्या हस्ते करण्यात आले.

यावेळी सहशहर अभियंता प्रविण तुपे, मुख्य माहिती व तंत्रज्ञान अधिकारी निळकंठ पोमण, फोर्ब्स मार्शल कंपनीच्या संचालिका रती फोर्ब्स, सीएसआरच्या बिना जोशी, प्रशासन अधिकारी पराग मुंढे, माहिती व जनसंपर्क विभागाचे प्रभारी प्रशासन अधिकारी रमेश भोसले, बाल चित्रपट तज्ज्ञ प्रसन्ना हुलकवी, विजय वावरे आदी उपस्थित होते.

कार्यक्रमाचे प्रास्ताविक सहशहर अभियंता प्रविण तुपे यांनी केले. सूत्रसंचालन माहिती व जनसंपर्क विभागाचे प्रभारी प्रशासन अधिकारी रमेश भोसले यांनी केले. बिना जोशी यांनी आभार मानले.