विधानसभेत मराठा आरक्षणासंदर्भातील विधेयक कोणत्याही चर्चेविना मंजूर...

मराठ्यांसाठी आजचा दिवस ऐतिहासिक असून आरक्षण विधेयक विधानसभेत कोणत्याही चर्चेविना मंजूर करण्यात आले असून सरकारी नोकरी आणि शिक्षणात १६ टक्के आरक्षण मिळाले आहे.मराठा समाजासाठी स्वतंत्र प्रवर्ग तयार करून १६ टक्के आरक्षणाची तरतूद करणारे विधेयक राज्य विधिमंडळात गुरुवारी सादर करण्यात आले. त्यापूर्वी राज्य मागासवर्ग आयोगाच्या अहवालावरील कृती अहवाल विधानसभेत सादर करण्यात आला. कृती अहवाल सादर केल्यानंतर विधानसभेतील सदस्यांनी अहवाल वाचनासाठी काही वेळ द्या, अशी विनंती केली. दुपारी यासंदर्भात कामकाजाला सुरुवात होताच कोणत्याही चर्चेविना विधेयक मंजूर झाले आणि मराठा समाजाच्या आरक्षणावर शिक्कामोर्तब झाले.विधानसभेपाठोपाठ विधान परिषदेतही हे विधेयक चर्चेविना मंजूर झाले.