सेवालाल महाराजांचे जागतिक दर्जाचे स्मारक उभारणार - मुख्यमंत्री

सेवालाल महाराजांचे जागतिक दर्जाचे स्मारक उभारणार असल्याची घोषणा मुख्यमंत्र्यांनी वाशिममध्ये केली. सेवालाल महाराजांच्या स्मारकासाठी उर्वरित १०० कोटींची तरतूदही लवकरच करण्यात येईल असंही त्यांनी भाषणात सांगितलं. मुख्यमंत्री देवेंद्र फडणवीस यांनी भाषणाच्या सुरुवातीला बंजारा भाषेत संवाद साधत बंजारा समाजाची मनं जिंकली. बंजारा समाजाच्या संस्कृतीचे जतन करण्यासाठी बंजारा अकादमीची घोषणा केली. तसेच वर्धा आणि यवतमाळ या दरम्यान पोहरागड स्टेशन उभारलं जाईल असेही मुख्यमंत्र्यांनी म्हटलं आहे.

बंजारा भाषा टिकण्यासाठीही विशेष प्रयत्न केले जातील असेही मुख्यमंत्री म्हटले आहेत. ब्रिटिशांविरोधात सेवालाल महराजांनी पहिला एल्गार पुकारला त्यामुळे सेवालाल महाराज यांचं योगदान खूप मोठं आहे असेही मुख्यमंत्र्यांनी म्हटले आहे. तसेच बंजारा समाजाने तयार केलेल्या वस्तू जगभरात पोहचाव्यात यासाठी विशेष प्रयत्न केले जातील असेही मुख्यमंत्र्यांनी म्हटले आहे. बंजारा समाजाच्या पाठिशी हे सरकार ठामपणे उभे आहे असे आश्वासन बंजारा समाजाच्या महान जनसागरापुढे मी देतो असेही असेही मुख्यमंत्र्यांनी स्पष्ट केले.