बांधकाम कामगार सेनेच्या वतीने लोकनेते स्व. गोपीनाथ मुंडे यांना आदरांजली....

पिंपरी (सह्याद्री बुलेटिन ) - लोकनेते स्वर्गीय गोपीनाथ मुंडे यांच्या जयंतीनिम्मित बांधकाम कामगार सेनेच्या वतीने त्यांच्या प्रतिमेस पुष्पहार अर्पण करण्यात करून आदरांजली वाहण्यात आली, यावेळी बांधकाम कामगार सेनेचे संस्थापक अध्यक्ष जयंत शिंदे असे म्हणाले की,"राजकारणाच्या पलीकडे जावुन सर्वसामान्य जनतेची सेवा करणारा लोकनेता आज आपल्यात नाही व त्यांची उणीव सदैव आपल्याला भासत राहील, लोकनेते मुंडे यांनी प्रत्येक वर्गावर भरभरून प्रेम केलं, बांधकाम कामगार, शेत मजुर व इतर असंघटित क्षेत्रातील कामगार आजही त्यांना दैवत मानतात, त्यांच्या जाण्याने मराठवाड्याचे खुप नुकसान झाले आहे शहरात लोकनेते गोपीनाथ मुंडे यांचे भव्य स्मारक व्हावे यासाठी आम्ही सेनेच्या वतीने पाठपुरावा करत आहोत" असे ते म्हणाले.

बांधकाम कामगारांच्या हस्ते लोकनेते गोपीनाथजी मुंडे यांच्या प्रतिमेला पुष्पहार अर्पण करण्यात आला, लोकनेते मुंडे यांच्या जयंतीचे औचित्य साधुन १७० बांधकाम कामगारांना शासकीय नोंदणीकृत ओळखपत्राचे वाटप करून सर्व कल्याणकारी योजनांची माहिती देण्यात आली यावेळी बांधकाम कामगार सेनेचे संस्थापक अध्यक्ष जयंत शिंदे, उपाध्यक्ष किशोर हातागळे, सरचिटणीस सचिन गुंजाळ, नोसी खान आदी प्रमुखांसह बांधकाम कामगार मोठ्या संख्येने उपस्थित होते.