इमारतीच्या आठव्या मजल्यावरुन उडी मारुन तरुणाची आत्महत्या...

पुणे (सह्याद्री बुलेटिन ) - इमारतीच्या आठव्या मजल्यावरुन उडी मारुन आत्महत्या केल्याची घटना पुण्याच्या लोहगाव परिसरात घडली.
अर्णव मुखोपाध्याय (वय 32) असं आत्महत्या केलेल्या तरुणाचं नाव आहे. तो पुण्यात व्होडाफोन कंपनीत कार्यरत होता.
पत्नीने दिलेल्या जबाबानुसार, मागील दोन दिवसांपासून ते तणावाखाली होते. मंगळवारी घरात मद्यप्राशन केले होते. कबुतराच्या अंड्यांचे ऑमलेट खाल्ल्यामुळे त्यांनी अचानक मला भूत दिसत असल्याचे सांगण्यास सुरुवात केली. इतकेच नव्हे तर घरात आरडाओरडा करत त्यांनी हातात सूरी घेऊन त्या भुताचा पाठलाग सुरु केला. त्यांच्या आक्रमक पवित्र्याला पत्नी आवरण्याचा प्रयत्न करत असताना अचानक त्यांनी गॅलरीचा दरवाजा उघडला आणि खाली उडी मारली.

अर्णव हा मूळचा कोलकत्याचा असून तो पुण्यात व्होडाफोन कंपनीत कार्यरत होता. त्याला अपत्य नाही, पत्नीसोबत लोहगाव परिसरात एका इमारतीच्या आठव्या मजल्यावरील सदनिकेत तो राहत होता.