अल्विन रवी राजगोपाल खून प्रकरणातील आरोप गजाआड
भोसरी (सहयाद्री बुलेटिन) : अल्विन रवी राजगोपाल (वय १९, रा. कैलास जाधव चाळ, जयभीमनगर, दापोडी) या तरुणाचा निर्घृण खून करणाऱ्या चौघांना भोसरी पोलीसांनी अटक केली आहे.
अभिषेक राजू चव्हाण (२६), रुपेश दिलीप संकपाळ (२०), राहुल वीर उर्फ पप्प्या (२०), सनी गजभीव (२०, सर्व रा. जयभीमनगर, दापोडी) या चौघांना अशी अटक केली आहे.
क्लेरा रॉबर्ट किट्टो यांनी याबाबत भोसरी पोलीस ठाण्यात फिर्याद दिली आहे. निखील हा अद्याप फरार आहे.
पोलिसांनी दिलेल्या माहितीनुसार, रविवारी (दि. ३०) पहाटे दोनच्या सुमारास आरोपींनी आपसात संगनमत करून, पूर्वी झालेल्या भांडणाच्या कारणावरून अल्विन रवी राजगोपाल यांच्यावर कोयत्याने डोक्यात सपासप वार केले. तसेच पेव्हिंग ब्लॉक आणि दगडाने मारहाण करून त्याचा खून केला. ही भांडणे सोडविण्यासाठी आलेल्या क्लेरा रॉबर्ट किट्टो आणि पुष्पा राजगोपाल यांनाही मारहाण करून जखमी केले.
पुढील तपास भोसरी पोलीस करीत आहेत.