ज्येष्ठ अभिनेते कादर खान यांचं निधन

सह्याद्री बुलेटिन : ज्येष्ठ अभिनेते कादर खान यांचं कॅनडा येथील रुग्णालयात निधन झालं आहे. ते 81 वर्षांचे होते. कादर खान यांचे पुत्र सरफराज यांनी त्यांच्या निधनाची माहिती दिली आहे.

कादर खान हे प्रदीर्घ काळापासून श्वसनाच्या समस्येने त्रस्त होते. गेल्या काही दिवसांपासून त्यांच्या प्रकृतीत आणखी बिघाड झाला होता. अखेर 31 डिसेंबर रोजी कॅनडा येथे सायंकाळी सहा वाजता त्यांची प्राणज्योत मालवली. त्यांच्या जाण्याने एक उत्तम अभिनेताच नव्हे तर एक लेखक आणि एक उत्तम माणूस गमावल्याची भावना सिनेवर्तुळातून व्यक्त होत आहे.यांनी आजवर जवळपास 300हून अधिक चित्रपटांमध्ये भूमिका साकारल्या.