डॉ . मनीषा रंधवे यांना भूमिपुत्र पुरस्कार- माजी मंत्री लक्ष्मण ढोबळे यांच्या हस्ते

भोसरी,(सह्याद्री बुलेटीन )- राष्ट्रीय बंधुता साहित्य परिषद व भगवान महावीर शिक्षण संस्था यांच्या संयुक्त विद्यमाने विसावे राष्ट्रीय बंधुता साहित्य संमेलन आणि प्रा . प्रकाश पगारिया व्याख्यानमाला अंतर्गत  माजी मंत्री लक्ष्मण ढोबळे आणि पिंपरी - चिंचवड महापालिकेच्या माजी महापौर मोहिनी लांडे यांच्या हस्ते डॉ . मनीषा रंधवे यांना भूमिपुत्र पुरस्काराने सन्मानित करण्यात आले .

भोसरीतील प्रीतम - प्रकाश महाविद्यालयात शुक्रवारी ( दि . 4 ) हा सोहळा पार पडला . यावेळी प्रकाश रोकडे , अशोक पगारिया , मधुश्री ओव्हाळ , मंदा रोकडे उपस्थित होते . लक्ष्मण ढोबळे म्हणाले , " साहित्याचा जागर , साहित्याची दिवाळी साजरी होत असताना , साहित्याची मांदियाळी होत असताना मराठी भाषेचे वैभव कसे वाढेल गेले पाहिजे . साहित्यातून संस्कार घडतात . अंधार वाटा उजळाव्यात , संकटांवर मत करण्याची शक्ती मिळावी . साहित्यवृद्धीसाठी लेखक आणि वाचकांचा सूर लागला पाहिजे , आज औद्योगिकरणामुळे सर्वस्पर्शी साहित्य निर्माण करण्यासाठी बुद्धिवैभवाच्या क्षितिजावर डॉ . बाबासाहेब आंबेडकर यांचे राज्यघटना लेखन हे अधिक जवळचे वाटते .