महाराष्ट्र असंघटित कष्टकरी साहित्य संमेलनाच्या अध्यक्षपदी डॉ कॉ. भालचंद्र कांगो यांची नियुक्ती

पिंपरी,(सह्याद्री बुलेटीन)- कष्टकरी संघर्ष महासंघ आणि महाराष्ट्र फेरीवाला क्रांती महासंघ विद्यमाने आयोजित करण्यात येत असलेल्या महाराष्ट्र असंघटित कष्टकरी साहित्य संमेलनाच्या अध्यक्षपदी ज्येष्ठ विचारवंत व कामगार नेते डॉ कॉ. भालचंद्र कांगो यांची निवड करण्यात आली. ज्येष्ठ कष्टकरी महिला सुरेखा कदम यांच्या हस्ते कांगो यांना निवडीचे पत्र देण्यात आले

यावेळी सविता किट्टे, छाया कांबळे, शांताबाई जाधव, शकुंतला जाधव, नागुबाई हळनोर, खातुनबी शेख, महासंघाचे अध्यक्ष काशिनाथ नखाते, साईनाथ खान्दिझोड़, इरफ़ान चौधरी, आबा शेलार, सैफुल शेख, प्रकाश साळवे, तुकाराम माने, सखाराम केदार, कासिम तांबोळी आदी उपस्थित होते

साहित्य संमेलनात श्रमिकांच्या जीवनाला साहित्यात प्रतिबिम्बित करणे. लेख, कविता, स्मरणिकाच्या माध्यमातून चळवळीला बळ देत सर्वच कष्टकऱ्याच्या प्रश्नावर उत्तरे शोधून त्याना त्यांचे प्रश्न सोडवण्यासाठी समर्थ आणि स्वावलंबी बनवणे हा या संमेलानाचा मुख्य हेतू आहे. या संमेलनाला डॉ श्रीपाल सबनीस, स्वागताध्यक्ष काशिनाथ नखाते, कामगार नेते शिवाजीराव खट्काळ, सावित्रीबाई फुले पुणे विदयापीठाचे डॉ .सतीश सिरसाठ, मुंबईचे उदय चौधरी, नाशिकचे तुकाराम धांडे, असंघटित कामगार नेते नितिन पवार, नागरी हक्क सुरक्षा समितीचे मानव कांबळे, सह्याद्री प्रतिष्ठानचे अध्यक्ष पुरुषोत्तम सदाफुले, दिलासा संस्थेचे सुरेश कंक यांचेसह विविध मान्यवर उपस्थित राहणार आहेत.