उन्नती सोशल फाऊंडेशन तर्फे मोफत ‘विठाई’ वाचनालयाचे उद्घाटन आमदार लक्ष्मण जगताप यांच्या हस्ते

 पिंपरी,(सह्याद्री बुलेटीन)- पिंपळे सौदागर येथील उन्नती सोशल फौंडेशन मार्फत पिंपळे सौदागर येथील वाचकांसाठी ‘विठाई’ मोफत वाचनालयाची स्थापना केली. यामध्ये मराठी, हिंदी व इंग्रजी अशी मिळून तब्बल दिड हजाराहून अधिक पुस्तके उपलब्ध केली आहेत. याप्रसंगी वाचनालयाचे उद्घाटन पिंपरी चिंचवड शहराचे आमदार लक्ष्मण जगताप यांनी केले.

माणूस हा पुस्तकांमधूनच घडतो, त्यामुळे पुस्तकेच काळाची गरज आहे, असे मार्गदर्शन आमदार लक्ष्मण जगताप यांनी केले. विठाई वाचनालयाचे अध्यक्ष सुभाष पवार यांनी वाचनालयामध्ये असलेली पुस्तके व त्यांचे महत्व यावर मार्गदर्शन केले. तर मार्गदर्शन पर व्याख्यान प्रदीप कदम यांनी केले.

यावेळी पिंपळे सौदागर प्रभागाचे नगरसेवक शत्रुघ्न काटे, नगरसेविका निर्मला कुटे, उन्नती सोशल फाऊंडेशनच्या अध्यक्षा कुंदा भिसे, संस्थापक संजय भिसे, गुरूकुलचे डॉ. गिरीश प्रभुणे, यशदा रिऍलिटी ग्रुपचे चेअरमन वसंत काटे, ग्रॅव्हिटी लॅन्डमार्क्सचे चेअरमन राजू भिसे, विजय भिसे, आनंद हास्य क्लबचे सर्व सभासद, ऑल सिनियर सिटीझन अससोसिएशनचे सर्व सभासद, नवचैतन्य हास्य क्लबचे सर्व सभासद, पिंपळे सौदागर येथील सर्व भजनी मंडळ व ग्रामस्थ उपस्तिथ होते.

कार्यक्रमाचे सूत्रसंचालन विजय बोत्रे -पाटील यांनी केले, तर कार्यक्रमाची सांगता नवचैतन्य हास्य क्लबचे सदस्य राजेंद्र पाटील यांनी आभार मानून केले.