भारतीय वायूसेनेच्या कामगिरीचं अभिनंदन करत पिंपरीत भाजपचा जल्लोष

पिंपरी,(सह्याद्री बुलेटीन)- भारतीय वायूसेनेनं आज पाकव्याप्त काश्मिरमध्ये घूसून जैश ए मोहम्मद या दहशतवादी संघटनेचे तळ उध्वस्त केले. या कामगिरीनिमित्त वायूसेनेचं सर्वत्र कौतुक होत आहे. पिंपरी चिंचवड शहर भाजपच्यावतीनंही वायूसेनेचं अभिनंदन करत जल्लोष करण्यात आला.

पिंपरीतील डॉ.बाबासाहेब आंबेडकर चौकात भाजपच्यावतीने हा जल्लोष करण्यात आला. यावेळी महापौर राहुल जाधव, नगरसेविका अनुराधा गोरखे, कमल घोलप, शर्मिला बाबर, जेष्ठनेते महेश कुलकर्णी, प्रवक्ते अमोल थोरात, राजेश पिल्ले, नगरसेवक राजेंद्र गावडे, सागर आंघोळकर, माऊली थोरात, संजय मंगोडेकर, राजू सावंत, माजी महापौर आर.एस.कुमार, माजी नगरसेवक प्रमोद ताम्हणकर आदी कार्यकर्ते उपस्थित होते.